ВАКЦИНИРАНИ СЕ САМО 13 ОТСТО: Европа веќе има над милион починати од ковид
Објавено во: Свет, Корона Вирус 15 Април, 2021
Повеќе од милион луѓе во Европа починаа од коронавирусот.
Регионален директор на Светската здравствена организација (СЗО) за Европа, Ханс Клуге, денеска изјави дека минатата недела бројот на починати од последиците на коронавирусот во Европа надмина еден милион, пренесе агенцијата Анадолија.
„Секоја недела се регистрираат околу 1,6 милиони нови случаи, што значи бројка од 9.500 инфицирани на час или 160 во минута“, соопшти Клуге.
Во Европа се употребуваат седум вакцини против коронавирусот од 171 милиони дози, Клуге појасни дека приближно 13 проценти од европското население ја примило првата доза на вакцината, а шест проценти втората. Во светот од коронавирусот починаа скоро 3 милиони луѓе.foto freepik