Вардар и МЗТ го добија новиот спортски комплекс

Добивај вести на Viber

Денеска официјално со свечена церемонија беше отворен новиот Спортски центар „Јане Сандански“, на локацијата на поранешната сала на МЗТ.

Инвестицијата во мултифункционалениот спортски комплекс во чиј состав е изграден и хотел „Русија“, изнесува 15 милиони евра, а ја реализира рускиот бизнисмен Сергеј Самсоненко преку јавно-приватно партнерство со Општина Аердором.

На отварањето на централната сала со капацитет од 6.500 посетители и на хотелот присуствуваа премиерот Никола Груевски, инвеститорот Самсоненко, градоначалникот на Општина Аеродром Ивица Коневски, генералниот менаџер на Спортскиот центар Надица Димовска и гереналниот менаџер на хотелот „Русија“ Дина Муцунска. Инвестицијата е вредна 15 милиони евра. Од безбедносен аспект оваа сала е најмодерната во Македонија.

Покрај арената во СЦ „Јане сандански“ отворени се и помошна спортска сала за кошарка и ракомет со капацитет од 1.000 посетители, како и конгресен центар. Дел од комплексот треба да бидат и тениски игралишта, фитнес и аеробик центар.

Хотелот „Русија“ располага со 61 соба и апартмани, од кои еден претседателски апартман, шест „супериор“, 28 еднокреветни соби, 12 „твин“ и 14 „дабл“ соби. Хотелот ќе содржи спа центар и руф бар.