Варуфакис: Грција може да се справи без нов кредит, ако го реструктуира долгот

Добивај вести на Viber

Грчкиот министер за финансии Јанис Варуфакис уверувал дека неговата земја може да помине без нов заем, додека во исто време владата итно има потреба од пари, и очајно се обидува да ги деблокира спасувачките фондови.

Грција може да се справи без нови кредити. Еден од условите сепак е големото реструктуирање на долгот, тврдел Варуфакис во интервју за левоцентристичкиот весник „Ефимерида тон Синдактон“.

На прашањето дали имало дискусии „зад сцената на преговорите“ по прашањето за намалување на долгот, тој одговорил потврдно.

Варуфакис со неговиот скандалозен стил го задеваат европските колеги, и го опишуваат како „контроверзен партнер“.

Тоа се „партнери, управувани од стравот кој ја предизвикаа кризата“ и решавањето „на кризата, за која всушност сите знаат дека е променлива и склона да се создадат нови проблеми“, додава тој.

И предупредува: „Ако еврозоната не се промени, таа ќе загине“. Според него, „ниту една земја, не само Грција, не би требало да му се приклучи на еден толку нестабилен монетарен систем“.

Но едно е да се каже дека ние воопшто не требаше да се приклучуваме кон еврозоната, а друго - дека треба да ја напуштиме, прецизирал сепак Варуфакис.

Атина, која не добила ниту денар од кредиторите од есента минатата година, се очекува да ги прошири спасувачки фондови, што е ветено од ММФ и ЕУ. Земјата има потреба од средствата за да ги избегне обврските за плаќањата и евентуално излегување од еврозоната.