ВАЖНА ВЕСТ ОД ЦЕНТРАЛАТА, БАНКИТЕ СЕ ПОЛНИ СО ПАРИ - само граѓанското штедење достигна 6 милијарди евра, но има многу и од фирмите
Објавено во: Финансии 23 Август, 2024
Важна вест стигна од Народна банка на Македонија. А таа е дека нашите банки се полни со граѓански заштеди, кои веќе „опасно“ се доближуваат до шест милијарди евра.
Најновиот податок е за јули оваа година, и тој покажува дека вкупните депозити кои во моментов се чуваат во домашните банки, изнесува близу 9 милијарди евра, или прецизно 8,89 милијарди.
Ова се вкупните депозити, каде влегуваат и парите на граѓаните, односно граѓанското штедење, но и депозитите кои во банките ги чуваат фирмите и кои им се потребни за нивното работење.
Но, она што нас не интересира се заштедите на домаќинствата, кои се всушност главниот извор на кредитирање на банките, но и главната движечка сила на економијата.
А, тој податок за крајот на јули говори дека граѓанските заштеди се дури 5,97 милијарди евра. Толку пари чуваат македонските домаќинства во домашните банки.
Во однос на само еден месец тоа е раст за 43 милиони евра, што значи дека Македонците само во јули внеле во банките нови 43 милиони евра во форма на нивни заштеди. Колку год граѓанското штедење да не се смета за атрактивно, по се изгледа дека останува инвестициски столб број еден на домашното граѓанство.
Она што радува во последниот период е и фактот што и натаму продолжуваат да растат заштедите во денари, кои ги претркаа депозитите во странска валута.
Односно, во денари граѓаните сега штедат 3,04 милијарди евра, што говори дека прв пат тој тип на штедење ја надмина психолошката граница од три милијарди евра. Во однос на претходниот месец, пак, тоа е зголемување за близу 39 милиони евра.
Додека, пак, во странска валута, чии каматни стапки се значајно пониски, граѓаните на крајот на јули чуваат 2,93 милијарди евра, што е раст за околу пет милиони евра во однос на претходниот месец.
„Анализирано на годишно ниво, вкупните депозити се зголемени за 7,3 отсто, во поголем дел поради растот на депозитите на секторот домаќинства, при помал раст и на депозитите на корпоративниот сектор“, се вели во соопштението од централната банка.
Н.Н.Ф.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
Еврото падна на најниско ниво во последните две години во однос на доларот
ПРОСЕЧНАТА ПЛАТА ПОВТОРНО ПОРАСНА - во септември достигна 41.585 денари, еве кои сектори имаат најголем раст
ОБЕЗБЕДЕНИ 4 МИЛИОНИ ЕВРА ЗА ЗЕЛЕНИ КРЕДИТИ ЗА ДОМАЌИНСТВАТА - силна поддршка од ЕБОР, ЕУ И ЈАПОНИЈА
РАСТ И КАЈ ДЕПОЗИТИТЕ И КАЈ КРЕДИТИТЕ - потрошувачките и станбените кредити најпримамливи, еве колку пораснале заштедите
СКИЈАЧИ, ЕВЕ КОЛКУ ЌЕ ВЕ ЧИНИ СКИЈАЊЕТО НА КОПАОНИК: „Скијалишта Србија“ ги објави деталните цени
БИТКОИНОТ СО НОВ РЕКОРД, РАСТАТ И БЕРЗИТЕ - и покрај тензиите во светот, инвеститорите не запираат
Која е дамата што шопингот го замени со купување 100 акции во НЛБ Банка и плати 80.000 евра во еден ден?
КОМПАНИЈАТА ТОНЕ ВО ПРОБЛЕМИ, НО НЕ И НЕЈЗИНИОТ МЕНАЏЕР: Фолксваген не може да се пофали со бизнисот, но може со плата на еден вработен
МИНИМАЛНА ПЛАТА ОД 600 ЕВРА ВО ФЕДЕРАЦИЈАТА БиХ: Што ќе значи тоа во пракса за работниците?
