ВАЖНА ВЕСТ ЗА СКЕНИРАЧИТЕ НА ФИСКАЛНИ, ОСОБЕНО ЗА ПОБОГАТИТЕ - прагот за поврат преку МојДДВ се зголемува на 2.100 денари
Објавено во: Финансии 20 Март, 2023
Повратот на ДДВ за скенирачите на фискални сметки преку апликацијата „Мој ДДВ“ се зголемува од 1.800 на 2.100 денари за еден квартал.
Пратениците попладнево ги изгласаа законските измени со кои се зголемува лимитот, а веста ја сподели и директорката на Управата за јавни приходи (УЈП), Сања Лукаревска
Пратениците дадоа зелено светло за измените и дополнувањето на Законот за враќање на дел од ДДВ-то на физичките лица. Со оваа измена се овозможува зголемување на прагот на поврат на дел од ДДВ-то од 1 800 на 2 100 денари за едно тримесечје. Првите зголемени суми, корисниците на апликацијата ’Мој ДДВ‘ ќе ги добијат со исплатите во мај за скенираните фискални сметки во периодот јануари – март 2023 година“, наведе Лукаревска.
Законските измени за зголемување на лимитот поминаа на седница на Влада на крајот на декември лани, но беа заглавени во Собранието.