14 Април, 2024
0.0272

ВАЖНО ЗА ШТЕДАЧИТЕ НА ЕУРОСТАНДАРД БАНКА - денеска ќе се знае банката или банките преку кои ќе оди исплатата

Објавено во: Економија 18 Август, 2020

Добивај вести на Viber

Фондот за осигурување депозити денеска ќе ја избере банката или банките преку кои ќе се врши обесштетувањето на штедачите во Еуростандард банка.

Ова за Фактор го потврди директорот на Фондот, Борче Хаџиев. 

Со таа банка или банки Фондот за осигурување депозити ќе потпише договор на три или на пет години.

„Ова што значи дека преку таа банка или банки, во следните три до пет години сите штедачи на Еуростандард банка кои штеделе до 30 илјади евра во банката, ќе можат да си ги подигнат своите средства. А и доколку измине рокот на тој договор, сите податоци за штедачите кои дотогаш нема да успеат да си ги подигнат своите средства, ќе се преврлат во Фондот, што значи дека граѓаните повторно преку Фондот ќе можат да бидат обесштетени“, вели Хаџиев за Фактор.

Ова, според него, значи дека практично рокот во кој граѓаните би морале да брзаат за да ги подгнат своите пари не застарува, туку нив ќе можат да си ги подигнат во секое време. Односно, нивните парични средства ќе чекаат на овие штедачи во секое време.

Покрај лично, средствата же може да ги подигнуваат и други граѓани кои од нив ќе бидат ополномоштени, значи со полномоштво заверено на нотар.

Но, до Фактор одредени граѓани кои живеат во странство, а имале свои заштеди во Еуростандард банка, го поставуваат прашањето како тие да си ги подигнат своите пари. Односно, поради физичкото отуство од земјава, како тие да ополномоштат некој свој близок за да им ги подигне парите преку банката исплатувач. 

Директорот на Фондот, Хаџиев, вели дека тоа прашање се уште не се разгледувало, но ќе се разгледува. 

„Тоа прашање за нашуте граѓани во странство се уште не сме го разгледувале, но ќе го разгледаме во следните денови“, објаснува Хаџиев. 

Во секој случај овие средства ќе ги чекаат граѓаните и тие ќе можат да ги подигнат во секое време.

Инаку, на 31 јули 2020 година вкупниот износ на депозитите на физичките лица кои штедат во Еуростандард банка изнесува 4,4 милијарди денари или 71,5 милиони евра. На 31 јули имало 136.619 депоненти на банката.

Оние штедачи кои имаат влогови над 30 илјади евра, остатокот од парите ќе треба да го побаруваат од стечајната маса. 

А Фактор пишуваше дека годинава го нема финансискиот извештај за работењето на Еуростандард банка за 2019 година, за што надлежните институции објаснија дека немале законски ингеренции да делуваат.

Нина Нинеска-Фиданоска

Можеби ќе ве интересира

Десет најплатени професии во САД: Девет се поврзани со медицината

Десет најплатени професии во САД: Девет се поврзани со медицината

Хотел Молика за прв пат со позитивен резултат, проект за изградба на спа центар

Хотел Молика за прв пат со позитивен резултат, проект за изградба на спа центар

ОГРОМЕН РАСТ: Речиси 94 милиони возила се произведени во 39 земји во светот минатата година, најмногу во Кина

ОГРОМЕН РАСТ: Речиси 94 милиони возила се произведени во 39 земји во светот минатата година, најмногу во Кина

ХРВАТСКИ МАРКЕТ ДОБИ ВИСОКА КАЗНА: Продавале сок штетен по здравјето, сега треба да платат 2.400 евра!

ХРВАТСКИ МАРКЕТ ДОБИ ВИСОКА КАЗНА: Продавале сок штетен по здравјето, сега треба да платат 2.400 евра!

ПОСКАПУВААТ ГОРИВОТО, ЦИГАРИТЕ, КАФЕТО И АЛКОХОЛОТ - Владата на Србија ги зголеми акцизите

ПОСКАПУВААТ ГОРИВОТО, ЦИГАРИТЕ, КАФЕТО И АЛКОХОЛОТ - Владата на Србија ги зголеми акцизите

Пад на продажбата на електрични автомобили: Зошто Европејците се враќаат на моторот со внатрешно согорување?

Пад на продажбата на електрични автомобили: Зошто Европејците се враќаат на моторот со внатрешно согорување?

Извршен директор на Nike: Тешко е да се биде иновативен кога луѓето работат од дома

Извршен директор на Nike: Тешко е да се биде иновативен кога луѓето работат од дома

„Длабоко сум благодарена за довербата и поддршката“ - Георгиева останува да раководи со ММФ

„Длабоко сум благодарена за довербата и поддршката“ - Георгиева останува да раководи со ММФ

ЗНАЧИТЕЛЕН РАСТ НА ИЗВОЗОТ НА БРОДОВИ ОД ШАНГАЈ - за само два месеци вредноста надминува 1 милијарда американски долари

ЗНАЧИТЕЛЕН РАСТ НА ИЗВОЗОТ НА БРОДОВИ ОД ШАНГАЈ - за само два месеци вредноста надминува 1 милијарда американски долари