(ВИДЕО) Благодарение на него Норвежаните знаат каде им се парите
Објавено во: Финансии 12 Април, 2024
Најголемиот државен фонд во светот е во Норвешка.
Norges Bank Investment Management управува со 1.6 билиони долари, а има учество во многу светски гиганти. Приказната која е актуелна деновиве е дека имаат учество во компанијата Рио Тинто. Фондот објасни дека поради лошата економска пракса во оваа рударска компанија можно е да го продаде својот дел.
Директор на овој фонд е Николај Танген(57). Иако управува со толку пари, тој наоѓа време за хоби.
Пред две години почна подкаст со наслов „Во добро друштво“. Негово „добро друштво“ се сопственици и основачи на најголемите светски компании, пренесува Бонитет. Гост му беше и милијардерот Илон Маск и други познати лица. Има причина за тоа. Гости се луѓето во чии компании фондот има удел.
Танген успеа на поинаков начин да ги прикаже овие луѓе, откривајќи детали од нивиот приватен и деловен живот.
На пример Џејмс Горман, претседател и извршен директор на компанијата Morgan Stanley се разболувал поради стрес од работа. Даниел Ек, кој е коосновач на Sportify е во судир со себеси поради парите кои ги заработил.