(ВИДЕО-ФОТО) Обичај „Звегорска сурва“: Како василичарите ја слават Василица во истокот?!
Објавено во: Стил 14 Јануари, 2015
Денеска е ден кога во источниот дел на нашава земја, поточно село Звегор (делчевско) се слави празникот Василица со малку поинаков од Вевчанскиот обичај.
Оваа традиција е автентично чување на обичаите под маска стара со векови уште од турско време, a истата се одржува под покровителство пред се на главните организатори кумот и старекот а општина Делчево и градоначалникот пружаат подршка врз основа на барање од кумот и организациониот одбор.
Василичарскиот обичај е наречен „Сурва“ и претставува годишно прославување на Стара Нова Година на 14 Јануари.
Манифестацијата се одржува два дена. Првиот ден започна вчера утрото со обичајот „Сурва нова година“ во кој се вклучени деца кои во групи опремени со суроваски ги гонат селските кучиња извикувајќи „Сурваааа... и одат од куќа на куќа, пеејќи василичарски обредни песни. Домаќините ги даруваат гостите - сурваскари со јаболки, ореви, бонбони, гурабии и други дарови.
Потоа доцна во ноќта, постарите ја започнуваат својата подготовка. Тие се собираат на однапред договореното место и се пресоблекуваат во друга облека. Има одредени улоги што постарите ги толкуваат на овој настан секоја година. Некаде околу 5 часот наутро тие започнуваат да одат од куќа на куќа не одминувајќи ниту една куќа во селото со традиционалната свадбена поворка, бидејќи денешниот втор ден е така наречената „Василичарската свадба“ , со зурли и тапани.
Во неа учествуваат сите жители на селото, но главни актери се зетот, невестата, кумот и сватовите, кои маскирани одат по улиците низ селото и ги посетуваат сите домаќинства на кои им ја честитаат Новата (сурва) година и им делат благослови за добро здравје, ксмет и бериќет. Домаќините, пак, ги почестуваат со греана домашна ракија, свинско месо, сирење и им ги полнат торбите со грав, компири, суви пиперки и други прехранбени артикли. Од собраните дарови се подготвува „василичарска свадбена трпеза“ за сите учесници и гости на манифестацијата.
Во рамките на музичката програма на „Звегорска сурва“ се одржува своевидна смотра на дувачки оркестри, пејачки и играорни групи, а манифестацијата продолжува на сред село со општонародна веселба и завршува во доцните вечерни часови со визите по домовите на оние што го носат името Васил, Васе, Васко, Василка, Васа, Васко.
Интересно да се спомене е дека во текот на поворката во селото кое се наоѓа на самиот граничен премин со соседна Бугарија, учесниците го блокираат сообраќајот се додека не им дозволите да ве намачкаат со црна боја (пред се за здравје а така го плаќате и данокот на државата), а може да изедете и некој стап со цел на шегување и истерување на злите духови.
Можеби ќе ве интересира
Игор Џамбазов со емотивна порака: „И двајцата си заминаа на овој ден. Ги има во моите книги, во моите песни, во моите секојдневни муабети, во моите мисли“
Игор Џамбазов со емотивна порака: „И двајцата си заминаа на овој ден. Ги има во моите книги, во моите песни, во моите секојдневни муабети, во моите мисли“
