Видео: Како пукачот од Лас Вегас ги засилил пушките?

Добивај вести на Viber

Се верува дека Стивен Падок, човекот кој го изврши најкрвавиот масакр во американската историја убивајќи 59 луѓе во Лас Вегас, двете пушки од кои пукал ги прилагодил со bumper stocks односно кустумизирани кундаци кои овозможуваат побрзо испалување на куршумите.

Во САД се води жестока дебата за поголема контрола над продажбата на оружје, но сепак се утврдува дека Падок имал пеесетина парчиња различно вооружување и најверојатно ги купувал во текот на повеќе години. Сите пушки барем според досегашните детали од истрагата се легални, односно се полуавтоматски. 

Во САД е забранета продажба на пушки со висок калибар и висока стапка на испалување на куршуми, но токму со прилагодливите кундраци може да се постигне ефект на поголема брзина, но и насоченост на нишаност за поголема концетрација на куршуми на средишен дел од метата, наместо куршумите да се разлетуваат во поширок агол.

Експерот за оружје од Legally Armed America направи видео презентација како Падок го извршил пукањето со полуавтоматските засилени пушки, но е против поголема регулација. Конгресот на САД ќе води дебата дали да се забрани продажбата на кустумизираните кундаци. 

Овој додаток за пушки по масакрот се продава во огромни количини бидејќи љубителите на оружје стравуваат дека можеби наскоро ќе биде забранет, а цената воопшто на оружјето е зголемена што доволно говори за американската опседнатост.