Видео Клик Плус: Рокот истекува, ќе се најде ли „јунак“ за албанските барања

Добивај вести на Viber

Во вчерашното дебатно издание на Клик Плус емисијата на ТВ21 се водеше жестока дебата меѓу Есад Рахиќ, Алјадин Демири и Тони Науновски. Главната тема е може ли да се излезе во пресрет на сите барања кои ДУИ ги застапува од албанската платформа, како и дополнителните услови за прифаќање на продолжен мандат на СЈО и на исклучување на функционери кои се осомничени во новиот состав на влада.

Учесниците дебатираа дали може да се формира нова влада и како таа ќе функционира. 

Според Есад Рахиќ се потешко е да се исполнат барањата на Албанците најмалку од страна на Груевски, па затоа претпоставува дека шанса ќе добие Заев кој преку кампањата и својата програма најмногу зборуваше за суштинските проблеми на Албанците, а тоа не се етничките права, туку економските и социјалните. 

Сепак, смета дека за прифаќање на сите барања од платформата на ДУИ, Алијансата и БЕСА е потребно двотретинско мнозинство за менување на уставот што е речиси невозможно. 

Тони Науновски, функционер, професор и аналитичар, пак имаше најрадикални ставови посочувајќи дека изборите биле нелегални поради ангажираноста на СДСМ и на албанските активисти кои вршеле поткуп на гласачи. Исто така проблематичен бил и Пржинскиот договор кој наметна лоша атмосфера за водење политика.

Алајдин Демири пак, најмногу застана во одбрана на принципиелните барања од албанската платформа и смета дека примената на двојазичност на целата територија на Македонија ќе биде придобивка, а не проблем.

Во меѓувреме односите меѓу ДУИ и ВМРО-ДПМНЕ се заострени и сеуште нема јасни информации дали е можен договор до недела или пак мандатот на Груевски ќе пропадне.

Во продолжение погледнете ја и целосната жестока дебата на Клик Плус на ТВ21.