(ВИДЕО) МАКРОН ГИ ВООДУШЕВИ ГЕРМАНЦИТЕ: Во Бундестагот говореше на германски јазик
Објавено во: Свет 23 Јануари, 2024
Шефот на француската држава Емануел Макрон одржа говор во Бундестагот на германски јазик и ги изненади сите. Неговиот професор по германски рекол дека на Макрон му требале неколку часа вежбање пред говорот.
Макрон се обрати на комеморацијата за Волфганг Шојбле во понеделникот, говорејќи главно на германски јазик. Францускиот претседател беше поканет во Бундестагот на комеморацијата на екс германскиот министер за финансии, Шојбле, кој почина на крајот на декември на 81-годишна возраст. Шојбле, кој често бил во контакт со Емануел Макрон, сакал францускиот лидер да зборува на комеморацијата.
„Германија загуби државник. Европа го загуби својот столб. Франција изгуби пријател“, рече Макрон.
Францускиот претседател кој претходно зборуваше само неколку зборови на германски во јавноста, го прочита текстот, а неговиот изговор беше доста добар.
#Schäuble | Sein Wunsch, einen Franzosen im Bundestag sprechen zu lassen, sage viel über das Vertrauen in Frankreich aus, so Emmanuel #Macron, franz. Staatspräsident. Wie Delors habe Schäuble alles für sein Land & Europa getan und gelte als Bindeglied und Vermittler der Staaten. pic.twitter.com/3u1T5vczNT
— phoenix (@phoenix_de) January 22, 2024