(ВИДЕО) НЕ Е САМО ГЕРМАНИЈА: Стотици романски земјоделци протестираат
Објавено во: Свет 15 Јануари, 2024
Освен во Германија, протестираат и земјоделците во Романија.
Стотици романски земјоделци и возачи на камиони протестираа денеска на граничниот премин со Украина и во близина на поголемите градови низ земјата додека продолжуваат преговорите со владата за високите трошоци за водење бизнис.
Тие протестираа главно против високите цени на дизелот, скапите осигурителни полиси, мерките на ЕУ за заштита на животната средина и особено против притисокот на увозните украински земјоделски производи на домашниот пазар. Колони трактори и камиони почнаа да се собираат пред шест дена на националните автопати, главно во близина на поголемите градови, блокирајќи го сообраќајот. Демонстрантите бараат мораториум на отплатата на заемите, побрзо плаќање на стимулации и специјални линии на граничните премини и на црноморското пристаниште Констанца за камиони од ЕУ и камиони надвор од европскиот блок, вклучително и Украина.Министрите за земјоделство на Бугарија, Полска, Унгарија, Романија и Словачка во писмо до еврокомесарот за земјоделство Јануш Војчеховски ги истакнаа загубите на пазарот што ги забележаа производите на нивните земјоделци поради увозот од Украина.
Тие земји бараат од ЕУ да воведе увозни давачки за украинското жито, наведувајќи ја како причина нелојалната конкуренција.
Германскиот министер за финансии Кристијан Линднер денеска им се обрати на илјадниците незадоволни земјоделци кои протестираа против зголемувањето на даноците и им рече дека нема пари за продолжување на стимулацијата.