(ВИДЕО) СТОТИЦИ ЛУЃЕ ВО РУСИЈА ЈА НАПАДНАА ПОЛИЦИЈАТА: Бесни се откако активист на Башкортостан е осуден
Објавено во: Свет 17 Јануари, 2024
Избувнаа нереди во Русија, каде стотици луѓе ја нападнаа полицијата, а фрлен е и солзавец.
Активист за човекови права во руската република Башкортостан е осуден на четири години откако судот го прогласи за виновен за поттикнување етничка омраза. Поради ова, дошло до судири меѓу неговите приврзаници и полицијата, пренесе„Ројтерс“.
Независните новински куќи на руски јазик објавија дека полицијата употребила солзавец и апсела по избувнувањето на тепачката со голема толпа луѓе, кои се собрале за поддршка на активистот Фаил Алсинов. Сè уште не се знае колку лица се приведени.
Алсинов е обвинет за навреда на работниците мигранти во говорот што го одржа минатиот април на протестот поради плановите за ископување злато во Башкортостан, лоциран во јужниот дел на Русија, во близина на границата меѓу Европа и Азија.
Неговите поддржувачи тврдат дека случајот против него е одложена одмазда за неговата улога во протестите пред неколку години, во кои активисти успешно ги блокираа плановите за ископување на ридот, кој локалното население го смета за свето место.
„Голема благодарност до сите што дојдоа да ме поддржат. Ова никогаш нема да го заборавам. Не ја признавам својата вина. Отсекогаш сум се борел за правда, за мојот народ, за мојата република“, му изјави Алсинов на новинарот од онлајн-медиумот „Рус њуз“ по пресудата.
Russian media report that about 10,000 people are gathered by the court building in Bashkortostan. https://t.co/2HYJn61SaE pic.twitter.com/vQEP4RqoWa
— Anton Gerashchenko (@Gerashchenko_en) January 17, 2024
На видеата објавени на социјалните мрежи се гледаат стотици луѓе собрани во близина на судот во градот Бајмак, 1.380 километри источно од Москва. Некои извештаи велат дека ги имало неколку илјади. На социјалните мрежи се појавија снимки од конфликтот.
Башкортостан, претежно муслиманска република со 4,1 милиони жители, е еден од 80-те ентитети што ја сочинуваат Руската Федерација.
Видеото можете да го видите тука.