(ВИДЕО) ТЕЛА ГОРАТ ПО УЛИЦИТЕ: Бандите ја презедоа контролата во Хаити
Објавено во: Свет 19 Март, 2024
Вистинска војна се води на улиците на Хаити. Апокалиптични сцени се случуваат на Хаити, откако земјата ја презедоа улични банди.
Месецов криминалните групи ги напаѓаат аеродромот, полициските станици, владините згради и националниот затвор. Поради бандите премиерот Ариел Хенри поднесе оставка минатата недела. Но, таа не придонесе за враќањето на мирот.
Бандите на Порт-о-Пренс сè уште го нарушуваат снабдувањето со храна, гориво и вода низ градот. Националната полиција на Хаити, продолжува да се бори за контрола низ градот.
Бизнисите и училиштата се затворени. Многу жители се самоизолираат, плашејќи се да ги напуштат своите домови, пренесува Си-ен-ен.
Во понеделникот во населбата Канапе Верт, толпа фатила маж и го обвинила дека припаѓа на блиската банда. Го натерале да оди по патот до гробиштата пред да го убијат и да му го запалат телото.Снимката видена од Си-ен-ен покажува тела како тлеат на улица.
Според ОН, бандите имаат под контрола 80 отсто од главниот град.
Движењето против бандите ги наведе локалните заедници да формираат одбори за одбрана на соседството. И претходните години имаше немири на Хаити.
фото: принтскрин