(ВИДЕО) ЖЕСТОКИ НЕМИРИ ВО АТИНА: Над 200 приведени во судири со полицијата

Добивај вести на Viber

Вкупно 211 лица се приведени по синоќешните жестоки протести во Атина, при кои демонстрантите се судрија со полицијата. Неколку илјади демонстранти излегоа на протест во знак на сеќавање на 6-годишнината од датумот кога атински полицаец уби невооружен тинејџер. За време на синоќешните насилни демонстрации бил оштетени и повеќе продавници и автобуски станици. Еден дел од демонстрантите насилно влегле во продавница за облека, ја изнеле облеката на улица и ја запалиле. Полицијата интервенирала со солзавец. До судири дошло и во Солун, каде разгневените демонстранти претепале двајца полицајци во цивил, а интервентната полиција дејствувала со солзавец и шок бомби. Тинејџерот Александрос Григоропулос беше убиен во декември 2008 година по вербален судир со полицијата. Неговата смрт предизвика двонеделни протести, најнасилни во поновата историја на Грција. Овојпат протестите се совпаднаа со период во кој во затвор се наоѓа близок другар на Григоропулос, Никос Романос, кој е осуден за грабеж на банка. Тој бил присутен во моментот кога неговиот другар бил убиен, а денеска во затвор штрајкува со глад и бара да биде пуштен за да посетува предавања на универзитет. Лекарите велат дека неговата здравствена состојба се влошува. [embed]http://www.youtube.com/watch?v=L-x06FptdDo[/embed] [embed]http://www.youtube.com/watch?v=ScH-OSJQXis[/embed]