Викендов топло, но потоа следи заладување
Објавено во: Македонија 10 Ноември, 2018
Во Македонија времето денеска ќе биде сончево со мала до умерена облачност и со слаб југоисточен ветер. Максималната температура ќе се движи од 15 до 20 степени, информираше УХМР.
Во Скопје, сончево со умерена облачност и со максимална температура до 18 степени.
Во наредните денови ќе продолжи периодот на стабилно време со појава на утринска магла по одделни котлини. Дневните температури ќе се задржат над просекот за овој период од годината.
Времето викендов ќе биде сончево со мала до умерена облачност, по одделни котлини со појава на утринска магла. Утринската температура ќе се движи од -1 до 5 степени, а дневната од 13 до 21 степени Целзиусови.
Заладување ќе има дури од среда.
фото Википедија