Вирусот кој зарази над 53 милиони луѓе количински го собира во лажичка за кафе?

Добивај вести на Viber

Aвстрискиот математичар Мат Паркер пресметал дека вкупното количество на коронавирусот со кој во светот се заразиле 53 милиони луѓе, може да го собере во лажичка за кафе. 

Додава дека честиците на коронавирусот се многу мали. 

Кога би се собрале сите патогени кои досега заразиле 53 милиони луѓе во светот, би добиле волумен од осум милилитри течност, пишуваaт странски медиуми. 

Се наведува дека една лажичка за кафе може да собере отприлика шест милилитри течност.

Паркер изнел неколку претпоставки за да дојде до споменатиот број, тој вели дека дури и во најголемата проекција на неговата проценка целото количество на коронавирусот би успеало да го собере во чашка за ракија, што би изнесувало 45 милилитри течност.

„Целиот хаос кој се случи во светот… се сведува на лажичка проблеми“, вели тој. 

Користејќи ја бројката од 300.000 нови случаи секој ден во светот и под претпоставка дека секое лице е заразено 14 дена, го пресметал бројот на луѓето кои во моментов се носители на коронавирусот.

Математичарот пресметал дека сите тие заедно во организмот имаат 3,3 квадрилиони клетки на вирусот. 

Според некои прогнози до летото, а според други дури идната зима ќе се вратиме во нормала.