Вицегувернерката на НБРМ: Останува фиксниот курс на денарот

Добивај вести на Viber

Вицегувернерката на Народна банка на република Македонија, Анита Ангеловска-Бежоска вели дека преку одржувањето на стабилниот курс на денарот се одржува ценовната стабилност, а тоа е и монетарната стратегија на централната банка. „Значи сите претставници на централната банка го објаснуваат ставот дека практично апсолутно не гледаме никаква потреба и промена на монетарната стратегија, што значи дефакто фиксен курс на денарот, бидејќи каква било промена во овој контекст би значело само големи загуби за економијата во целина“, рече Ангелоска–Бежоска, пред стидентите на штипскиот Економски факултет. На прашањето како глобализацијата влијае врз македонската економија, вицегувернерката вели ние сме мала економија, која што својот Бруто домашен производ го разменува со странство, а во такви услови не може да се остане изолиран од случувањата во Европа и светот. Според Ангеловска-Бежоска во моментов не може да се прогнозира каква ќе биде идната година и дали Македонија ќе доживее силен удар од светската криза, бидејќи се уште, вели таа,  не се гледа разрешницата во Европа кадешто  македонските компании извезуваат над 60% од своето производство.