Влегол во продавница, а крадци му го украле автомобилот
Објавено во: Македонија 17 Ноември, 2018
Крадци на скопјанец му го украле автомобилот додека пазарувал во продавница на булеварот Партизански одреди во Скопје.
В.Н.(34) од Скопје денеска пријавил во полиција дека синоќа околу 01 часот по полноќ две машки лица му го украле автомобилот марка „форд куга” со скопски регистарски ознаки. Крадците го искористиле невниманието на пријавителот кој го оставил возилото да работи и отишол да купи производи од маркет.
Полицијата презема мерки за пронаоѓање на лицата и возилото, и за целосно расчистување на случајот.