ВМРО-ДПМНЕ бара власта да прекине со политички прогон на медиумите
Објавено во: Македонија 29 Септември, 2019
Oд ВМРО-ДПМНЕ обвинуваат дека премиерот Зоран Заев и СДСМ се фатени во криминал до гуша. Велат дека затоа се извадени од памет од медиумите кои се храбри да известуваат за злоупотребите на власта.
„Затоа се обидуваат да ги заплашат и премислат во намерата критички да ги опсервираат злоупотребите на власта. Зоран Заев и СДСМ знаат само за притисоци и уцени врз критичките медиуми и новинари. Вчера од страна на МВР и ОЈО, а по директен диктат на СДСМ и Заев се спроведе диктатура и режим. МВР и ОЈО по наредба на Оливер Спасовски и Зоран Заев вршеа претрес во Нет Пресс само поради објава на скандал каде што има сомнеж за сериозен криминал од страна на висок функционер од Владата на СДСМ. Тоа го изведоа додека медиумите протестираа пред ОЈО против притисоците врз новинарите и медиумите. Со ваквиот чин, ОЈО, СДСМ, Заев и Спасовски вршат директен напад врз слободата на медиумите и правото на јавноста да се информира“, додаваат од ВМРО-ДПМНЕ.
Кривичните пријави и политичкиот прогон против уредникот на Инфомакс Александар Митовски, новинарот и уредникот на Лидер, Љупчо Златев, против новинарот Горан Момировски и телевизија Алфа се јасен показател дека власта се плаши од вистината и од правдата во Република Македонија, се вели во соопштението. Бараат прогонот веднаш да престане.