Добивај вести на Viber
Колку и да се обидува СДСМ не може да спори дека приходите првото полугодие се на високо ниво и дека сигурно ќе беа повисоки да не беше нивното црно сценарио, реагира ВМРО-ДПМНЕ на реакцијата на СДСМ на ребалансот на буџетот за 2015 година.
„СДСМ не може да ги прикрие инвестициите и проектите кои се реализираат, бидејќи луѓето гледаат и се свесни за тоа што се случува. Се гради гасоводната мрежа, три автопати, училишта, болници, детски градинки, спортски сали, се набавија нови патнички и товарни возови, се инвестира во изградба на пругата кон Бугарија, редовно се исплаќаат субвенции за земјоделците, континуирано се отвораат нови странски инвестиции, само во два дена се најавија две фабрики кои ќе вработат близу 4 000 лица, и уште десетици други капитални инвестиции. Редовно се исплаќаат пензиите, не доцнат како во време на СДСМ. За разлика од СДСМ кој ги намали пензиите за 8 отсто, оваа Влада дополнително ќе ги зголеми почнувајќи од месец октомври годинава.Граѓаните знаат да го препознаат тоа и во април следната година ќе им го дадат истиот одговор на СДСМ како и лани“ стои во реакцијата на ВМРО-ДПМНЕ.