ВМРО-ДПМНЕ ги крие пратеничките листи како змија нозете

Добивај вести на Viber

Утре на полноќ истекува рокот за доставување на листите на кандидати за пратеници до ДИК.

Засега официјално опозициската партија ги објави јавно сите пратеници со кои ќе се трка на изборите во декември.

За разлика од СДСМ, владеачката гарнитура ќе чека пет до 12 за да ги обелодени кандидатите во шестте изборни единици.

Многумина велат дека ВМРО-ДПМНЕ се до последен момент ќе ја држи јавноста во неизвесност во однос на ова прашање, а партиски извори велат дека нивна обврска е да ги достават листите до петок на полноќ (11 ноември), а за тоа како и дали ќе ги промовираат, ќе известат дополнително.

Оваа одлука на партијата не треба да не чуди, имајќи ги предвид фактите дека пред полноќ ги поднесоа и листите со имињата на кандидатите за пратеници за предвремените избори кои беа закажани на 5 јуни.

Тогаш Никола Груевски ја предводеше кандидатската листа на ВМРО-ДПМНЕ во првата единица, министерот за надворешни работи Никола Попоски во втората изборна единица, координаторот на пратеничката група Илија Димовски третата изборна единица, министерот за здравство Никола Тодоров четвртата, Антонио Милошоски беше кандидат во петтата единица а пратеникот Влатко Ѓорчев во шестата изборна единица.

Дали ќе има промени и прераспределувања во листите на партијата на Никола Груевски останува да го чекаме официјалното објавување.

Партија пак која денеска ги утврди своите кандидати е Либералната партија.

Оттаму соопштија дека носител на кандидатската листа во Првата изборна единица ќе биде претседателот на ЛП Ивон Величковски, а потпретседателот на партијата Кире Бузлиев е носител во Втората изборна единица. Во тројката ноистел на листата е Данчо Марковски, а во четворката Даница Јованова. Во Петтата изборна единица кандидатската листа ќе ја предводи Кице Мицковски. 

Оваа партија на изборите ќе настапи самостојно.

ДИК има 48 часа да ги разгледа кандидатските листи на сите партии, и доколкунешто не е во ред со имињата на листите и треба да се поправи или дополни, тие им се враќаат на партиите, кои, пак, имаат уште 48 часа да реагираат и да ги вратат исправни.