ВМРО-ДПМНЕ и натаму лути на Катица Јанева за Пуч - Го спасија Заев од судот

Добивај вести на Viber

ВМРО-ДПМНЕ и понатаму покажува лутина кон специјалната јавна обвинителка Катица Јанева која реши да се откаже од случајот „Пуч“ за кој смета дека нема доволно докази со што заврши судската постпака во која меѓу обвинетите беше и Зоран Заев. На денешната прес конференција говореше Кирил Миновски кој вели дека СЈО е непрофесионална институција во служба на политиките на СДСМ.

- Катица Јанева во случајот „Пуч“ можеше да избира помеѓу застапување на доказите обезбедени преку признанието на сега осудениот Ѕвонко Костовски, скајп комуникацијата и писмото од Заев до Верушевски или да премине на другата страна и по втор пат да аболицира лице кое во минатото стори и други кривични дела. Катица Јанева се откажа од правото и правдата и се определи за Заев.

Во предметот „Пуч“ има бројни докази. Го знае тоа и Катица Јанева и Зоран Заев. Го знае тоа и обвинителството за гонење дела од областа на организираниот криминал и советот кој одлучуваше за правосилност на обвинението. Зоран Заев е загазен во криминал и во судска постапка ќе се докажеше обвинението. Затоа Катица Јанева одлучи да се повлече и да го брани криминалот. Во спротивно самиот Заев ќе бараше во судска постапка да се докаже неговата невиност, рече Миновски.