ВМРО удри на ВМРО - Љубчо, Стојанче и Љубе работеле за интересите на Заев

Добивај вести на Viber

На еден ден до изборниот молк владејачката ДПМНЕ „удри“ против коалицијата ВМРО за Македонија составена од партиите кои ги водат Љубчо Георгиевски, Стојанче Ангелов и Љубе Бошкоски кои наводно работат за интересите на Заев и „планот“ за федерализација на Македонија со двојазичност на целата територија. 

- За да го ослабат ВМРО-ДПМНЕ, смислија и други работи, смислија уште две помали коалиции од мали партии, од кои што едната го носи предзнакот ВМРО за да го залажат народот и мал дел да се подели, барем малку да откинат од ткивото на ВМРО-ДПМНЕ, а со тоа да го зајакнат Заев и СДСМ. Едно е ВМРО, едно е ВМРО- ДПМНЕ и не смее да подлегнеме на вакви манипулации, итроштини и игри на сценаристот кој стои зад Заев, рече Груевски.

Овие тези ги поддржаа и провладините медиуми кои го обвинуваат Георгиевски за прифаќње на ново име на Македонија, а потсетија и на снимките во кои Бошковски беше фатен со грчки посредник како договара ново име. Во досегашната кампања ВМРО-ДПМНЕ речиси ги игнорираше „братот, војводата и генералот“, но откако нивниот рејтинг се зголеми со реални шанси за освојување на пратенички мандати ја заострија реториката.