Внимателно низ Албанија – по 315 лица годишно гинат во сообраќајки

Добивај вести на Viber

По 315 лица годишно во просек го губат животот во сообраќајки по албанските патишта. Оваа бројка ја става Албанија во ризични држави, односно споредено со земјите од западна и централна Европа бројот на сообраќајните несреќи повисок за 3,5 пати, вели Борис Миска, од Институтот за статистика на Албанија за весникот „Газета шкиптаре“. Како што пренесе МИА. според официјалната ститистика, во сообраќајни несреќи, годишно во просек во земјата животот го губат по 315 лица, стотици се повредени, а дел остануваат и со траен инвалидитет. „За жал од година во година бројот на жртвите расте. Само во првата половина од годинава регистрирани се 1.104 сообраќајки, со 155 жртви и 1.362 повредени“, тврди Миска и додава: „Сообраќајните несреќи кај нас се претворија во „епидемија“ но многу малку се прави за нивно намалување. По патиштата во нашата земја речиси секојдневно се случуваат сообраќајки, а последиците се се потрагични“. Само за еден месец, од 17 октомври до 17 ноември во Албанија се случиле 163 сообраќајни несреќи. Во нив загинале 20 лица, 27 се тешко повредени. Со полесни повреди пак завршиле 168 лица.