Добивај вести на Viber

Фактор како дел од хуманата новогодишна кампања „12 елки – 12 медиумски приказни“ Ве повикува да донирате новогодишни подароци под елките, кои се наоѓаат на вториот кат во Скопје Сити мол.

Акцијава почна да ја буди свеста, но не во полн замав . Засега хуманите граѓани ја покажуваат хуманоста на дело и донираат пакетчиња кои ќе бидат наменети за социјално загрозени семејства.

Донирајте и ВИЕ, и помогнете оваа зима да стоплиме две момчиња од светиниколското село Сопот кои живеат во сиромаштија на работ на социјална егзистенција.

Трајан за неговите две дечиња ни кажа дека секој подарок е добредојден, бидејќи во празна куќа треба се. Освен новогодишни пакетчиња може да донирате облека, обувки, хигенски производи и се што мислите дека ќе им биде од корист на две дечиња кои имаат 5 и 6 години.

Ајде заедно да им ги разубавиме барем малку празнициве кои претсојат така што ќе бидеме хумани.

Шестчлено семејство живее на работ на социјалната егзистенција во светиниколското село Сопот. 

Таткото е невработен, и работи секаква работа што ќе му се најде за да им овозможи барем скромен живот на најмилите и сопругата која е од Албанија. Дополнителна грижа на Трајан му претставува мајката која е со оштетен вид и сестрата која има ментално нарушување.