Во Собранието нема 80 пратеници за внесување на Бугарите во Уставот, вели Мицкоски
Објавено во: Македонија 23 Февруари, 2022
Во Собранието нема 80 пратеници за внесување на Бугарите во Уставот, вели лидерот на ВМРО-ДПМНЕ, Христијан Мицкоски.
Тој вели дека доколку решението со Софија стане дел од преговарачката рамка, Македонците во Унијата ќе влезат „бугаризирани“ или пак, би преговарале бесконечно.
„На повидок е поопширно решение кое нема да се однесува само на внесувањето на Бугарите во Уставот туку ќе задира во македонскиот идентитет и јазик“, рече Мицкоски.
Од СДСМ не се согласуваат со него.
„Тој работи на штета на државните интереси“, велат од СДСМ.
Според нив, Христијан Мицкоски не сака ниту обединување, ниту единство околу ниедно прашање од национален интерес, неговиот однос по прашањето со Бугарија е лицемерен и воопшто не е искрен.
МАНУ излезе со критики за барањата на Бугарија за внесување на Бугарите во Уставот.