Во свлечиште на југозападот на Кина затрупани 47 лица, 200 се евакуирани
Објавено во: Свет 22 Јануари, 2024
Четириесет и седум лица се затрупани по лизгање на земјиште во зафрлено место во југозападната кинеска провинција Јунан, додека над 200 лица беа итно евакуирани, објавија денеска државните медиуми.
Засега нема вести за загинати или повредени лица. Иако не се знаат точните причини кои го предизвикале свлечиште, од видеата се гледа дека снегот го прекрил теренот и продолжува да паѓа.
Драмата се случила утрово околу 6 часот по локално време во селото Лиангшуи во кантонот Женгсионг, јави кинеската новинска агенција Ксинхуа, додавајќи дека се затрупани 18 куќи.
„Итно се евакуирани повеќе од 200 жители, во спасувачката акција учествуваат 10 багери, 33 противпожарни возила и повеќе од 200 спасувачи“, јави јавната телевизија ЦЦТВ.
Снимките на кинеската социјална мрежа Дујин покажуваат планинско село покриено со снег и куќи делумно затрупани од лизгање на земјиштето.
Кинескиот претседател Си Џинпинг им наредил на спасувачите да направат се што е можно, пренесува CCTV.
Update: A total of 47 people were buried in a landslide that struck southwest China's Yunnan Province Monday morning. More than 200 rescuers together with 33 firefighting vehicles and 10 loading machines were mobilized to search for the missing https://t.co/qs7qKTsrsd pic.twitter.com/PSncSC9srT
— China Xinhua News (@XHNews) January 22, 2024
Јунан е планинска провинција дом на бројни етнички групи и е меѓу најсиромашните во Кина.
Свлечиштето се наоѓа на околу 1.600 километри југозападно од Шангај и на околу 350 километри североисточно од главниот град на провинцијата Кунбинг.
Според кинеската метеоролошка служба, температурите во кантонот Женсионг се движат околу нула степени во текот на денот, а ноќе се спуштаат до минус четири.
Chinese President Xi Jinping has demanded all-out search and rescue of the people missing in a landslide in Zhenxiong County, southwest China's Yunnan Province. https://t.co/UU6rSWYcP8 pic.twitter.com/K0OGP6ueIM
— China Xinhua News (@XHNews) January 22, 2024
Одроните се вообичаени во планинските југозападни делови на Кина, особено по врнежите.
Фото: Принтскрин/Твитер