ВРЕМЕНСКА ПРОГНОЗА: Што не очекува во следните пет дена?

Добивај вести на Viber

Во текот на денот се очекува претежно облачно време со слаби врнежи од дожд, ветровито и посвежо време. 

Врнежите претежно ќе бидат застапени во северозападните, западните и југозападните предели, а на планините над 1500 метри се очекуваат слаби врнежи од снег. Ќе дува доумерен засилен јужен и југоисточен ветер. Утринските температури ќе се движат во интервал од -1 до 8 степени, додека пак максималните дневни од 5 до 15 степени. 

Под влијание на медитерански циклон Македонија ќе биде и во среда и четврток кога се очекува да продолжат врнежите од дожд, а над 1500 метри со слаби врнежи од снег. Во среда поинтензивни врнежи се очекуваат во југозападните, јужните и југоисточните предели, локално и над 30 литри. Максималните температури ќе бидат од 5 до 15 степени. Во четврток времето ќе биде облачно со сосема слаби врнежи од дожд. Дневните температури ќе бидат од 3 до 13 степени. Во петок и сабота стабилизација на времето и посвежо утро со утрински температури од -3 до 5 степени, во текот на денот во петок умерено облачно со сончеви периоди и температури од 4 до 14 степени, додека пак во сабота ќе биде претежно сончево со локална облачност и максимални 5 односно 15 степени.