ЗА СЕКОЈ СЛУЧАЈ - швајцарската Влада и централна банка досега за УБС и Кредит Свис обезбедија 260 милијарди франци
Објавено во: Финансии 20 Март, 2023
UBS и Credit Suisse припаѓаат на групата од 30 глобално системски важни банки, чие работење е под будното око на регулаторот. Швајцарската влада и централната банка обезбедија 260 милијарди швајцарски франци (280 милијарди долари) за Credit Suisse и UBS, покажуваат документите, што е еднакво на една третина од бруто домашниот производ (БДП) на Швајцарија.
UBS објави дека ќе плати 3,4 милијарди долари за пропаднатиот Credit Suisse, а владата на таа сума ги додаде и првите 5,4 милијарди долари загуби од деривати и други ризични средства.
Договорот за преземање вклучува огромна поддршка од државата и централната банка од програмата за заем и подобрување на ликвидноста и владино ветување дека ќе апсорбира до девет милијарди франци потенцијални загуби од преземањето.
Минатата недела Credit Suisse објави дека обезбедила 50 милијарди франци од швајцарската централна банка од програмата за обезбедени заеми и краткорочна ликвидност. Програмата може да се користи доколку вредноста на колатералот, како што се хипотеките и хартиите од вредност, е поголема од износот на заемот.
Згора на тоа, централната банка и понуди на банката создадена со спојувањето на UBS и Credit Suisse итен заем за ликвидност до 100 милијарди швајцарски франци и уште 100 милијарди франци од државниот механизам за заштита на ликвидноста, што е експресно гарантирано од швајцарскиот влада.
Вкупно 259 милијарди франци поддршка одговара на третина од швајцарскиот БДП, кој минатата година изнесуваше 771 милијарди франци.
Централната банка не сакаше да одговори на прашањето дали Credit Suisse или UBS ги искористиле понудените пари.
И UBS и Credit Suisse припаѓаат на групата од 30 глобално системски важни банки, чие работење е под будното око на регулаторот.
„Владата ќе мора да им објасни на гласачите зошто ги ставаат на ризик парите на граѓаните, даночните обврзници, за да спасат банка која главно им служела на ултрабогатите, правела неверојатни работи во инвестициското банкарство“, изјави поранешен извршен директор на глобална банка за Ројтерс.
(Извор: Ројтерс, Пословни дневник)
Фото: EPA
Можеби ќе ве интересира
ТУРИСТИ ВО ШОК: Сметка за пијалок, мезе и салата колку цел еден одмор! Цени од 800 евра!
ДУРИ 1,4 МИЛИОНИ ЕВРА СЕ СВРТЕЛЕ СО АКЦИИТЕ НА КОМЕРЦИЈАЛНА ЗА ЕДЕН МЕСЕЦ - кој друг направи најголем промет на Берзата во мај
ЛИРАТА ПАДНА НА РЕКОРДЕН МИНИМУМ - ригорозната политика на Ердоган продолжува да ја урива вредноста на валутата
ХРВАТСКА ИЗДАДЕ ЕВРООБВРЗНИЦА ОД 1,5 МИЛИЈАРДИ ЕВРА, имаше голем интерес од инвеститорите
ГИ ТУЖИ ЗА КРШЕЊЕ НА ДУРИ 13 ЗАКОНИ - американскиот регулатор им застана на патот на две моќни берзи за криптовалути
ЛАЖНИ ОГЛАСИ ЗА СМЕСТУВАЊЕ ВО ГРЦИЈА: Луѓе „се тепаат“ да резервираат соба во напуштена куќа
ВО ЕК НА СЕЗОНА И ДО 120 ЕВРА: Еве ги цените за сместување во Грција, добро треба да се олесните за убаво сместување!
ТОП ДИВИДЕНДА ЗА АТРАКТИВНИ АКЦИИ - преку блок трансакција поминаа акции на НЛБ Банка за 43 илјади евра
ЗА ВОЗЕЊЕ СО ВЛЕЧКИ 50, А ЗА ЛОШО ПАРКИРАЊЕ 80 ЕВРА: Еве колкави се казните во Грција
