26 Ноември, 2020
0.0215

ЗА УЈП Е ДАНОЧНА ТАЈНА КОИ ФИРМИ ДОБИЛЕ ПАРИ ОД ДРЖАВАТА - за мерката 50 отсто придонеси имињата ќе останат непознати

Објавено во: Економија 28 Мај, 2020

За Управата за јавни приходи е даночна тајна кои компании во земјава добиле парична помош од државата за исплата на плати за своите работници, односно субвенција од 50 отсто од придонесите за социјално осигурување за април, мај и јуни оваа година.

Фактор ја замоли Управата за јавни приходи да ни испрати список на сите компании од земјава кои имаат добиено средства од државата по основ на мерката субвенции на 50 отсто од придонесите на платите на вработените.

Прво бевме известени дека списокот ќе го добиеме, но ќе биде потребно повеќе време за да се извадат од системот имињата на фирмите. Дел од овие компании, пак, некои од медиумите, веќе и ги објавија неофицијално.  

Потоа од УЈП ни рекоа дека таква листа не можат да ни достават, бидејќи имињата на компаниите се даночна тајна. На нашата реакција и инсистирање зошто би бил даночна тајна идентитетот на компаниите кои добиле државна помош, што се всушност пари на сите даночни обврзници од земјава, даночните власти, и по еднодневно размислување, остануваат на својот став дека имињата на овие компании не треба да бидат јавно откриени во јавноста.

Еве всушност каков одговор добивме од Управата за јавни приходи.

„Во врска со Вашите прашања известуваме дека согласно Уредбата со законска сила за субвенционирање на исплата на придонеси од задолжително социјално осигурување за време на вонредна состојба на работодавачите за месеците април, мај и јуни 2020 година им се субвенционира износ за исплата на придонеси од задолжително социјално осигурување во висина од 50 отсто од пресметаните придонеси од задолжително социјално осигурување од страна на обврзникот, но најмногу до 50 отсто од придонесите од задолжително социјално осигурување пресметани на просечната бруто плата по работник, според податоците на Државниот завод за статистика објавена во месец јануари 2020 година. Условите за користење на оваа мерка се содржани во самата Уредба бр. 44-3708/1 од 5 мај 2020 година објавена во Сл. весник на РСМ бр. 92/2020 и бр. 116/2020.“, се вели во одговорот од УЈП.

Натаму, додаваат даночните власти, согласно оваа Уредба, Управата за јавни приходи, за осигурениците за кои е одобрено субвенционирањето, го намалува износот на обврската за плаќање на придонеси од задолжителното социјално осигурување за износот на одобреното субвенционирање на придонесите, а податоците за одобреното субвенционирање за плаќање на придонесите УЈП ги доставува до Министерството за труд и социјална политика.

Министерството за труд и социјална политика, пак, го уплатува износот на посебни сметки за придонеси од задолжителното социјално осигурување.

 „Управата за јавни приходи е должна да го почитува начелото на даночна тајна согласно чл.9 од Законот за даночна постапка, и ќе се огради од давање одговори и информации за компании на кои им е намален износот на обврската за плаќање на придонеси од задолжителното социјално осигурување за износот на одобреното субвенционирање на придонесите“, се вели во одговорот што Фактор го доби од Управата за јавни приходи.

Инаку, дел од медиумите веќе објавија имиња на компании, но и суми на добиени средства, по основ на мерката 50 отсто придонеси, од вториот сет економски мерки за помош на компаниите погодени од корона кризата.

Н.Н.Ф.

Можеби ќе ве интересира

Илон Маск стана втор најбогат човек во светот

Илон Маск стана втор најбогат човек во светот

Генерали Инвестментс советува: Да се подели портфолиото во различни класи, помеѓу акции, обврзници или пари

Генерали Инвестментс советува: Да се подели портфолиото во различни класи, помеѓу акции, обврзници или пари

Која фирма за градежни материјали го зголеми профитот за 80 отсто во „корона криза“?

Која фирма за градежни материјали го зголеми профитот за 80 отсто во „корона криза“?

Помали трошоци за регистрација, ама увозот на половни автомобили годинава е преполовен

Помали трошоци за регистрација, ама увозот на половни автомобили годинава е преполовен

„Рекордна“ јавна набавка на „Македонија пат“: Ќе треба да истури 60.000 тони индустриска сол за две години

„Рекордна“ јавна набавка на „Македонија пат“: Ќе треба да истури 60.000 тони индустриска сол за две години

Турска компанија ќе ја гасифицира Македонија за 300 милиони евра

Турска компанија ќе ја гасифицира Македонија за 300 милиони евра

Утврден Предлог-закон за регистрација на возила со странски регистерски таблици

Утврден Предлог-закон за регистрација на возила со странски регистерски таблици

Доделени 120,6 милиони денари за капитални проекти во општините

Доделени 120,6 милиони денари за капитални проекти во општините

БЕКТЕШИ СО ДЕТАЛИ: Возилата со странски регистарски таблички ќе може да се регистрираат со 50 отсто намалени давачки

БЕКТЕШИ СО ДЕТАЛИ: Возилата со странски регистарски таблички ќе може да се регистрираат со 50 отсто намалени давачки