ЗА УРИВАЊЕТО НА АВИОНОТ КАЈ БЕЛГОРОД: Путин ги отфрли теориите за „пријателски оган“
Објавено во: Свет 27 Јануари, 2024
Украинците знаеја дека во него има украински затвореници, вели рускиот претседател Владимир Путин за авионот кој деновиве се урна кај Белгород.
Путин ја обвини Украина за соборувањето на воениот авион, пишува Politico.
„Не знам дали тоа го направија намерно или по грешка“, рече Путин.
Вели дека руската армија пронашла два проектила истрелани од територија под контрола на Украина кои го погодиле авионот.
„Најверојатно беа американски системи Патриот или европски, веројатно француски“, рече Путин.
Рускиот претседател ги отфрли теориите за „пријателски оган“ за соборувањето на авионот.
„Постојат пријателски или непријателски системи и колку пати и да го притиснат копчето, нашите системи за противвоздушна одбрана нема да се активираат“, рече Путин.
Украина повика на меѓународна истрага за уривањето на авионот. Првично се појави информација дека во авионот имало ракети, а не заробеници. Околу случајот има многу нејасни детали. Руската инвазија на Украина почна пред скоро две години.