ЗАДОЛЖУВАЊА: Државата позајми 16 милиони евра!

Добивај вести на Viber

Државата од домашните кредитори позајми 16,1 милион евра. На вчерашната аукција на државни хартии од вредност Владата продаде едногодишни записи и обврзници со рок на доспевање од три и десет години. Најголемиот дел од парите, или 8,8 милиони евра се обезбедија преку продажба на едногодишни записи, потоа 4 милиони евра успеа да собере од продажва на тригодишните обврзници а најамлку пари или 3,2 милиони евра се обезбедија од од продажба на обврзци со рок на доспевање во 2025 та година. Парите со кои се задолжи Владата остануваат во Буџетот за тековни трошења, со оглед на тоа што денска, како и вообичаено, нема доспевање на заостанати долгови. Според објавениот полугодишен план на Министерството за финансии за задолжување и раздолжување кон домашните кредитори во новата 2015 та година, во првите шест месеци, по основ на доспеани обврски, Владата треба да врати 393 милиони евра.  Во текот на шесте месеци закажани се 12 акуции, односно продажби на државни хартии од вредност преку кои ќе се обезбедуваат пари за тековни буџетски трошења. Министерот за финансии Зоран Ставрески неодамна изјави дека Буџетот за 2015 та ќе биде во добра ликвидносна кондиција, а сите кредити и обврски ќе се плаќаат без проблем и на време. “Парите што се потребни за раздолжување во 2015 та година, се веќе обезбедени и проектирани во новиот Буџет. Еврообврзницата што навреме ја земавме под исклучително поволни услови и таа ќе овозможи во 2015 та година да нема ново задолжување и на домашниот и на надворешниот пазар. Така да не треба да има грижа, средствата се обезбедени во Буџетот, проектирани, а буџетот е веќе усвоен во Собранието. До година навреме ќе се сервисираат сите обврски и ќе има добра ликвидност на Буџетот“ – изјави министерот Ставрески. Според податоците на Министерството за финансии, на завршницата од 2014 та година, не само што се зголемија задолжувањата на домашниот пазар, туку значајно се промени и нивната структура според рочноста.Така, анализата на бројките покажува дека во јануари, лани, состојбата со долговите со рок на доспевање од десет години изнесувала 2,8 милиони евра а веќе на крајот на октомври, овие обврзници го зголемиле учеството на 3,7% или во апсолутна бројка од 42 милиони евра. Драматичен пораст има и кај задолжувањата што ќе треба да се враќаат по пет години. Според податоците на Минстерството за финансии, уделот на овие задолжување се зголеми на ниво од скоро 30 отсто. Во исто време, се менува и структурата на кредиторите, односно банките го намалуваат своето учество, додека осигурителните компании и пензиските фондови стануваат се поголеми владини кредитори. Заклучно со ноември, само по основ на задолжуања на домашен пазар, Владата должи 1,1 милијарда евра.