Задолжувањата продолжуваат, утре 133 милиони евра!

Добивај вести на Viber

Утре Владата ќе позајми 133 милиони евра, а задутре ќе врати 2 милиони евра. Јавниот долг продолжува да расте и достигна до 33, 9 % од БДП. Со 133 милиони евра, Владата ќе се задолжи утре. Според објавените податоци преку три аукции на државни записи и една државна обврзница, државата од домашните банки ќе побара повеќе од 133 милиони евра. А, веќе в среда Владата треба да врати скоро 2 милиони евра во приватниот сектор. Само по основ на државни хартии од вредност, Владата должи 906 милиони евра на приватниот сектор, јавните претпријатија и банките. Според последните податоци на министерството за финасии, заклучно со март, односно со првиот кавртал од годинава долгот на централната влада достигна 33,9 отсто од БДП и се смета за едно од највисоките измерени во последните пет години. Долгот изнесува 2 милијарди и 703 милиони евра. Анализата на трендот на движење покажува дека во првите три месеци од годинава (прв квартал) во споредба со крајот на 2012 та година салдото на овој долг се зголемило за речиси 160 милиони евра. Заклучно со март, зголемување на долговите има и кон странство и на домашен терен. Надворешната задолженост изнесува 1 милијарда 673 милиони евра додека внатрешното задолжување на Владата достигна 1 милијарда и 29 милиони евра.  Само по основ на државни хартии од вредност (записи и обврзници), Владата должи 906 милиони евра на приватниот сектор, јавните претпријатија и банките. Јавниот Долг на Централната Влада со стапка од 33,9% од БДП претставува највисоко измерено ниво од 2005 та година,кога тој изнесуваше 38,4 отсто.