Заев: Доста граѓаните не критикуваат, време е да не пофалат
Објавено во: Македонија 05 Мај, 2018
Премиерот Зоран Заев денеска додека беше на садење млади дрвца во Дојран изјави дека очекува брзо решение за проблемот со името.
„Штом двете страни стигнаа до оваа фаза покажуваат сериозност кон проблемот и очекувам дека ќе има брзо решение. Доста граѓаните веќе не критикуваат време е да не пофалат“, рече Заев.
Шефовите на дипломатиите Димитров и Коѕијас вчера во Солун разгледуваа можни комбинации за потешките прашања во преговорите за спорот со името, а за разгледуваните комбинаторики најавија дека ќе ги информираат премиерите на двете земји.
Министрите следната
недела, на 12 мај, во Атина ќе имаат средба со медијаторот на Обединетите нации во спорот за името Метју Нимиц.
Димитров нагласи дека главните разлики остануваат во однос на прашањето за промена на Уставот, што го бара грчката страна и прашањето
за опсегот на употреба, додека Коѕијас рече оти смета дека има извесен напредок во преговорите.