Заев во телефонски разговор го бодрел Ципрас по оставката на Коѕијас
Објавено во: Македонија 18 Октомври, 2018
Македонскиот премиер Зоран Заев и неговиот грчки колега Алексис Ципрас исконтактирале телефонски кратко по вчерашната оставка на Никос Коѕијас, грчкиот министер за надворешпни работи и потписник на договорот од Преспа, открива весникот „Зора“.
Во разговорот што го имале двајцата лидери, Заев му дал поддршка на Ципрас изразувајќи го својот восхит за храброст и упорност, а биле истакнати заедничките предизвици и тешкотии на патот на кој што секој чекор е потежок отколку за време на преговорите минатата година.
Заев го потсетил Ципрас дека историјата се сеќава на храбри лидери и храбри дела, како и дека двете земји имаат за цел создавање на нов Балканот од 21-от век, со цел да се создаде мир, соработка и солидарност меѓу двата народи, и дека покрај нивните разлики, тие можат да изградат подобра иднина.