Заев од маршот за рамноправност во Гевгелија: Македонија има храбри жени

Добивај вести на Viber

СДСМ го одржа петтиот марш за рамноправност овој пат во Гевгелија на неколку дена пред празникот на жената 8 март. Покрај пораки за еднаквоста на жената, Заев порача дека граѓаните во Македонија одбрале рамноправност и единство, а македонските жени се особено храбри. 

- Убава е Македонија и заради тоа има женско име, убава е Македонија затоа што ги има најубавите жени на светот, но и среќна е Македонија, заради тоа што има храбри жени, жени борци, борци за својата татковина.

Сите овие години се бориме рамо до рамо, но вие бевте тие кои не мотивиравте, вие бевте тие кои го водевте орото напред и еве сега сме исправени да направиме промена на власта. Ги дочекавме промените од 120 мандати, 67 мандати имаме позади нас и еве `не пред формирање Влада. И мајката, не сакаат власа да ја предадат, банални изговори изнаоѓаат како само и само власта да не ја предадат, а сакаме со убаво, сакаме со убаво затоа што малкумина сме, роднини паѓаме, толку ни е Македонија. Ајде денеска уште еднаш да испратиме порака со лесно, но пред `се и со убаво, да направиме промена на власта. 

Oд овде, од оваа говорница, со оваа прекрасна глетка, ајде на нашите политички противници да им испратиме 20-30 илјади убавини, да ги видат зашто убаво да ја промениме власта. Дозволете со кренати знаменца да направиме една убава слика, со убаво се промени власта.

Oваа убавина преточена во слики ќе ја испратиме и кај Никола Груевски и кај Ѓорге Иванов, со убаво ни одат работите, порача Заев во Гевгелија.

Маршот се одржа под мотото „За рамноправност, за живот“.