30 Ноември, 2020
0.0214

Заев падна во „јазична“ дупка, ВМРО-ДПМНЕ го оцрни максимално

Објавено во: Македонија 18 Септември, 2016

Изјавите на Зоран Заев во кои посочи дека секој има право да учи на мајчиниот јазик и дека со тоа никој од спротивната етничка заедница не губи значеа само едно. Лансирање на мега црна кампања во која ВМРО-ДПМНЕ тврди дека СДСМ ќе воведе двојазичност на целата територија на Македонија и дека ќе допринесе во поделба на земјата, федерализација, тотален армагедон. 

- ВМРО-ДПМНЕ и народот на Македонија нема да им дозволат да тргуваат со националните интереси. Зијадин Села со уцената „или двојазичност-или две федерални единици во Македонија“ ја откри крајната цел на Зоран Заев, а тоа е ревидирање на сегашното уставно уредување на Република Македонија. Сега му е мајката, Македонија јасно и одлучно да ги отфрли ваквите намери на аболицираниот криминалец Зоран Заев. Да му докаже дека залудно го испраќа на Косово неговиот функционер Мухамед Зекири. Да му докаже дека залудни се средбите на Зекири со криминалци од Косово кои учествувале во бројни насилни и вооружени инциденти. Изборите во декември ќе бидат референдум во кој народот ќе му потврди на аболицираниот криминалец Зоран Заев дека нема виткање на кичма и нема пазарење со Македонија и националните интереси, велат од владејачката партија. Ова е последното оцрнување кое го испрати ВМРО-ДПМНЕ до медиумите.

Владејачката партија како и пред секои избори наоѓа тема која ја користи за демонизирање на противникот, но и влевање на страв кај граѓаните за идните политички чекори, па токму тие се секогаш главните патриоти и бранители на македонизмот иако и самите се соочија со бројни порази од коалициониот партнер ДУИ на „патриотски“ план со бројни инциденти, тензии, закани и кривични дела кои се уште не се решени, а се националистички мотивирани. 

„Лажниот патриот Груевски и соработниците кои со години се пазарат со Ахмети и ДУИ во тендер коалицијата и сценираат по нарачки меѓуетнички инциденти, мора да се навикнат дека за нивните провокации нема повеќе место во единствена граѓанска Македонија. Прашањето за употребата на јазиците е дефинирано со Уставот и законите на Република Македонија! Времето на поделбите на Груевски и неговата власт, а и на криминалите завршува. СДСМ гради едно општество за сите граѓани, со еднакви права и обврски пред Уставот и законите“ возвратија денес од СДСМ.

Тие и натаму остануваат на ставот дека изјавите на Заев во Прилеп биле погрешно толкувани и дека се залагаат за сегашната примена на јазиците која е утврдена со Уставот. 

Сепак, Заев со неспретната изјава самиот падна во политичка замка која политичкиот опонент ќе се обиде да ја искористи максимално, што всушност и беспоштедно го прави деновиве.


Можеби ќе ве интересира

Десет проценти од децата биле жртви на насилство, над 40 отсто дискриминирани: Детски извештај на Меѓаши

Десет проценти од децата биле жртви на насилство, над 40 отсто дискриминирани: Детски извештај на Меѓаши

Али Ахмети стана почесен доктор на Универзитетот во Тетово

Али Ахмети стана почесен доктор на Универзитетот во Тетово

Поранешниот бугарски претседател Росен Плевнелиев: Попис во Македонија за да се види колку Бугари има

Поранешниот бугарски претседател Росен Плевнелиев: Попис во Македонија за да се види колку Бугари има

Дванаесет лекари и медицински сестри на АРМ од денеска распоредени во тријажниот центар на Интерните клиники

Дванаесет лекари и медицински сестри на АРМ од денеска распоредени во тријажниот центар на Интерните клиники

Викендот пројде, Македонија не се распарчи

Викендот пројде, Македонија не се распарчи

Дачиќ: Заев не е политички незнајко, прашање е колку далеку ќе оди со Бугарија

Дачиќ: Заев не е политички незнајко, прашање е колку далеку ќе оди со Бугарија

СНЕГ И ДОЖД ОВАА НЕДЕЛА: Се очекува доста студено време

СНЕГ И ДОЖД ОВАА НЕДЕЛА: Се очекува доста студено време

ИНТЕРВЈУ СО Д-Р. БУХОВА: Има вработени кои 15 месеци не се појавиле на работа, на секои две недели менуваат дијагнози, ДСЗИ ја утврдува веродостојноста на боледувањата

ИНТЕРВЈУ СО Д-Р. БУХОВА: Има вработени кои 15 месеци не се појавиле на работа, на секои две недели менуваат дијагнози, ДСЗИ ја утврдува веродостојноста на боледувањата

Д-р.Исјановски и д-р. Бубало ја земаа наградата “Маж со најголем придонес во општеството” која отиде во рацете на сите медицински работници

Д-р.Исјановски и д-р. Бубало ја земаа наградата “Маж со најголем придонес во општеството” која отиде во рацете на сите медицински работници