Мицкоски: Граѓани што заминаа, сега сакаат да се вратат

Добивај вести на Viber

Премиерот Христијан Мицкоски на денешното емитување во поткастот „ВМРО-ДПМНЕ Зборува“ насловен како „Македонија повторно твоја“ рече дека граѓани што претходно ја напуштиле земјата, сега сакаат да се вратат.

Премиерот ова го изјави во контекст на најавените преговари со 15 компании и една  огромна инвестиција од 350 до 360 милиони евра која, според Мицкоски, ќе донесе извозен потенцијал кој позитивно ќе влијае на бруто домашниот производ.

„Очекувам оваа инвестиција да ја заокружиме следната година инвестиција која што ќе биде навистина би рекол огромна за нас и ќе значи многу за македонската економија. Тоа е мој фокус и мораме да продолжиме да се фокусираме на тоа да создаваме производи со голема додадена вредност затоа што само на тој начин ќе ни расте економијата и второ голем дел од нашите македонски граѓани кои што се надвор од државата кои што изминативе години се иселија како да имам чувство дека дел од нив полека но сигурно се интересираат да се вратат или почнуваат да се враќаат и да си ја градат својата иднина тука бидејќи гледаат дека работите на подобро се менуваат. Се враќа надежта, тоа е доволно за мене дека успеавме да ја вратиме надежта кај луѓето“, изјави Мицкоски.

Премиерот објасни дека оваа инвестиција се очекува следната година и ќе значи многу за македонската економија.