Заев поддржува амнестија - но за кого?
Објавено во: Македонија 17 Ноември, 2018
Можно е да има амнестија за настаните во Собранието од 27 април, но не за лицата коишто директно го извршиле насилството.
Ова го изјави премиерот Зоран Заев, во интервју за емисијата „360 Степени“ на Алсат телевизија.
„Сите што не учествувале во насилството и не биле дел од организаторите внатре, јас немам проблем преку нив да го направиме помирувањето и помилувањето. Тоа може да биде закон за амнестија, донесување на одлука на Парламентот во рамки на своите надлежности. Знам дека не сум подготвен да разговарам ништо за учесниците во насилството, затоа што не сакам да оставам можност да се повтори нешто“ – рече Заев.
Во однос на тоа дека со отворање на вратите од Собранието, обвинетите пратеници овозможиле да се случи насилството, Заев рече дека тоа треба да се докаже низ судскиот процес и дека и тие имаат право да ги кажат своите аргументи.