ЗАГИНАТАТА МАКЕДОНКА ВО ГРЦИЈА ИМАЛА САМО 29 ГОДИНИ: МНР го откри идентитетот и на повредените сопатнички

Добивај вести на Viber

Македонката М.Н. родена во 1995 година е загинатата жителка од Битола во сообраќајната незгода која денеска се случи во соседна Грција, во близина на Солун. 

Од Министерството за надворешни работи откриваат дека девојката има само 29 години, додека повредените сопатнички се уште помалди, поточно по 24 години. Единствено жената на возраст од 25 години поминала без повреди. 

- Информираме дека во текот на денешниот ден, во 12 часот (локално време), на Автопатот Егнатиа, во Република Грција, се случила тешка сообраќајна несреќа, во која за жал, М.Н. (1995), државјанка на Република Северна Македонија го изгуби животот.

Претставниците на Генералниот конзулат на Северна Македонија во Солун, кои од времето на настанатата трагедија беа во контакт со блиски на жртвата, остануваат на располагање за асистенција во врска со преносот на останките на починатата во земјата - соопштуваат од МНР. 

Од министерството исто така посочуваат дека во несреќата засегнати се и три наши државјанки, сопатници на починатата. 

Станува збор за А.К (2000) и М.Р (2000), кои добиле тешки повреди и И.Ј (1999) која не е повредена, при што две се хоспитализирани.

- Генералниот конзулат останува во постојана комуникација со надлежните институции и на располагање на повредените наши државјанки и нивните семејства при евентуална потреба за помош, до нивното враќање дома - велат од МНР.

Фото: Принтскрин/Јутуб