ЗАХАРОВА ЈА НАВРЕДИ ГЕРМАНИЈА: Била „банана република“

Добивај вести на Viber

Портпаролката на руското Министерство за надворешни работи, Марија Захарова ја навреди Германија. Таа ја нарече Германија банана република. 

Захарова изјави дека главниот проблем на современиот политички систем во Германија е тоа што е класична „банана република“.

„Распадот на германската владејачка коалиција го откри главниот проблем на модерниот политички систем на Германија – тоа е класична „банана република“. Ниедна држава во светот не почна да ја менува сопствената влада врз основа на изборните резултати во САД истиот ден, освен Германија“, напиша Захарова на Телеграм.

Захарова оцени и дека Берлин престанал да се претвора дека германската влада има независност и да лаже дека не се „гувернери на американските неолиберали во Европската Унија“.

„Берлин не беше во состојба да го зачува рускиот гас, кој е од витално значење за неговите граѓани и индустрискиот и економски комплекс, ја пропушти приликата да го задржи темпото на економски раст и совесно ја следи емиграцијата на своите индустрии и компании во Соединетите Американски Држави, сè само да е Вашингтон задоволен“, додаде Захарова. 

Германскиот канцелар Олаф Шолц го разреши во средата министерот за финансии Кристијан Линднер, наведувајќи дека ќе се гласа за доверба кон средината на јануари, што може да доведе до нови избори во март.

По распадот на германската владејачка коалиција на социјалдемократи, либерали и зелени, американскиот милијардер Илон Маск го нарече германскиот канцелар Олаф Шолц будала Маск на неговата мрежа Х напиша „Олаф е будала“.