ЗАКОНСКИ ИЗМЕНИ: Опомена пред казните и глоби за фирмите

Добивај вести на Viber

Законските измени за прекршоци добија зелено светло за намалување.

Стопанството ќе има подобри резултати со оваа Законска измена, смета вицепремиерот Ставрески кој истакна дека намалување на глобите на малите и средните фирми позитивно ќе се одрази врз бизнис климата на земјава.

Ставрески потенцираше дека казните кај малите фими ќе бидат пониски  шест до седум пати во однос на досегашните, а кај средните два до четири пати пониски од досегашните, што значи дека казната доколку мора да се изрече нема да влијае значајно  врз работењето на фирмите

Оној кој ќе го прекрши законот ќе добие опомена да се корегира и да продолжи со работата,што значи воопшто нема да има казни.

Поддршка од ССК

Според претседателката на ССК Данела Арсова, иницијатите на ССК за подобрување на деловното работење како дел пакетот мерки во 2013 година се усвојуваат континуирано со наоѓање начини за нивно интегрирање.

„Со пакетот законски измени, особено измените на Законот за прекршоци што помина во Собранието, драконските казни со кои се соочуваа компаниите во изминатите години се намалија и тоа значително“, изјави Арсова.

Советот на претседатели на коморите при ССК, како што информира Арсова, ја прогласи Градежната комора за комора на 2015 година.

Намалените казни за СДСМ се задоцнети и ад хок решение

Според опозициската СДСМ мерките за промена на казнената политика со намалените казни за фирмите се задоцнети и се ад хок решенија на власта кои не се доволни.

„Нема логиката да се примени скалеста казнена политика, а да не се примени скалеста даночна политика“, се вели во соопштението на оваа партија.

СДСМ наведува дека е добро што ќе се намалат глобите, ќе се воведе мерка опомена и скалест пристап во казнената политика, на што истакнува дека одамна укажувале со свои предлози.

- Во 2013 година, додека ги промовиравме овие мерки, власта затвораше фирми, изрекуваше глоби во илјадници евра, менуваше закони внесувајќи вртоглави суми казни, соопштува СДСМ.