Залужни прифатил да биде амбасадор во Британија?
Објавено во: Свет 05 Февруари, 2024
Врховниот командант на вооружените сили на Украина, Валериј Залужни, како што неофицијално се дознава, ја прифатил функцијата амбасадор во Велика Британија.
Оваа информација ја соопшти пратеникот на Врховната рада, Евгениј Шевченко, во интервју со директорот на Украинскиот институт за глобални стратегии, Вадим Карашев, објавено на каналот Јутјуб.
„Сакам да кажам дека, според моите информации, Залужни ја прифатил функцијата амбасадор во Велика Британија, најверојатно ќе оди таму, а знаеме дека луѓето кои беа испратени како амбасадори се политички пензионери, никој никогаш не се вратил, тоа е традиција во Украина. Затоа ќе ги разочарам оние кои го поддржуваат Залужни“, рече тој.
Шевченко појасни дека врховниот командант на вооружените сили на Украина би можел да биде разрешен на 8 февруари. Пратеникот додаде дека ако Залужни оди во Велика Британија, тогаш „тој повеќе нема да биде политичар“. Згора на тоа, ако остане во Украина и почне политичка кариера, тогаш има шанси за успех, „и не мали, туку големи“.
Зеленски, потврдувајќи ги неофицијалните информации, изјави дека размислува за смената на командантот на вооружените сили како дел од поширока смена во раководството.
Зеленски во интервју за италијанската телевизија РАИ, што беше објавено доцна синоќа, изјави дека размислува за смената на популарниот генерал Валериј Залужни, а украинска Правда денеска објави дека Зеленски размислува и за смена на началникот на Генералштабот Серхи Шаптал. Тој кажа дека го разгледува тоа за да обезбеди земјата да продолжи да ја водат поединци „уверени во нејзината победа“ над Русија. Руската инвазија на Украина почна пред скоро две години.