ЗАПАДЕН БРЕГ: Израелски агенти маскирани во женска облека упаднале во болница и убиле тројца терористи

Добивај вести на Viber

Израелски агенти маскирани во женска облека и облечени како лекари, упаднале во болница на Западниот Брег и убиле тројца милитанти. 

Како што се гледа на снимката од видеонадзорот од болницата објавена на странските медиуми, членовите на тајната единица се маскирани како медицински лица и се пробиваат низ ходникот со кренати пушки. Единицата за борба против тероризмот на граничната полиција и единицата на внатрешните безбедносни сили, позната како „Шин Бет“, влегле во болницата „Ибн Сина“ на периферијата на бегалскиот камп во градот. Израелската војска објави дека мажите кои биле убиени се криеле во болницата. Министерството за здравство на палестинската управа го обвини Израел дека извршил нов масакр во болниците.

Палестинската терористичка група Хамас објави дека израелските сили егзекутирале тројца борци, вклучително и еден нејзин член.

Друга вооружена група, „Палестински исламски џихад“, рече дека двајца од убиените се нејзини членови, како и дека еден од нив бил на лекување во болницата.

Тензиите се зголемија на Западниот Брег по нападите на Хамас на 7 октомври минатата година. 

Израелскиот премиер Бенјамин Нетанјаху денеска изјави дека Израел нема да ги повлече своите сили од Појасот Газа или да ослободи илјадници палестински затвореници.

фото принтскрин