Започна доаѓањето на иселениците во Македонија, доминираат германски и швајцарски регистарски таблички
Објавено во: Македонија 16 Јули, 2023
Коли, комбиња, автобуси, нервозни патници, голема жештина. Вака беше атмосферата на граничниот премин Табановце, која ја пренесува КланМ. Се чини дека овој викенд е пикот на враќање иселениците во нивните родни места. Доминираа возилата со германски, швајцарски и други западни регистерски таблички.
Иселениците и годинава не ги избегнаа долгите чекања на граничниот премин Табаноц, велат дека чекаат од 1 до 2 часа за да ја поминат границата.
Дури и српските власти, како што јави КланМ, најавија зголемување на интензитетот на сообраќајот на автопатите. Српските медиуми најавуваат дека во текот на ноќта преку граничниот премин од кај Прешево поминале 24.000 патници, а влез-излезот од Србија се очекува да трае околу 40 минути. Српските власти препорачуваат користење на алтернативниот премин Прохор Пчињски.