Започна враќањето на парите од проектот „Скопје 2014“, „Фактор“ дознава која е следната истрага пред завршување

Добивај вести на Viber

Вратените 430.000 евра од страна на Владимир Тодоровиќ, поранешниот градоначалникот на општина Центар, и  уште две лица  осомничени за злоупотреби при изградба на мостот „Око“, со тоа што ја надоместиле штетата која и била нанесена на општина Центар може да се смета за почеток на долгонајавуваното враќање на парите од фамозниот проект „Скопје 2014“. 

Тоа е прва завршена истрага од страна на финансиската полиција, а Фактор“ од свои извори дознава дека следна која треба да биде завршена и објавена е за преплатено идејно решение за изгледот на коњаникот и фонтаната, односно за плоштадот „Филип Македонски“ во скопската населба Автокоманда. Само за „цртежот“, според сознанијата на „Фактор“ биле платени 300.000 евра, додека целокупниот проект чинел околу 1.500.000 евра. Во тек се уште неколку други истраги кои се пред финализирање.

Идејно решение за коњаникот и за фонтана со придружни фигури, вклучуваат и фонтана и постамент.што е исполнет со релјефи.  

Сите скулптури се дело на Валентина Каранфилова - Стевановска, а споменикот беше поставен на 21 јуни 2011 година. 

Инаку, вратените 443. 000 евра за мостот „Око“ се од хрватскат фирма Конструктор инженеринг,која е под стечај, а од општина Центар потврдиле дека првата трансакција била направена пред недела дена.

Арафат Муареми,  директор на финансиска полиција претходно потврди дека се поднесени кривични пријави до ОЈО, но и дека лицата биле спремни да ја надоместат сумата во целост за што добиле потврдија од општината за извршена трансакција  на 30. 06. 2018 година. 

Адвокати за „Фактор“ велат дека вратените пари значат олеснителна околност, но не и ослободување од одговорноста. Следниот збор, по завршувањето на истрагата, го има Обвинителството, кое треба да одлучи како би ги оквалификувало обвиненијата. Доколку станува збор за проневера, се одговара кривично и затворската казна би можела да биде од две до четири години. Според прописите, ќе се провери и дали е потребно да се врати дополнителна сума по пресметана камата.

Александар Кузмановски