ЗАСТРЕЛАН СОРАБОТНИК НА ТРАМП: Се бори за живот
Објавено во: Свет 31 Јануари, 2024
Мајк Гил, поранешен службеник во администрацијата на поранешниот американски претседател Доналд Трамп, се бори за живот откако беше застрелан во Вашингтон.
Американските медиуми јавуваат дека овој татко на три деца бил нападнат со огнено оружје од маж кој сакал да му го украде автомобилот.
Се вели дека напаѓачот е осомничен за серија кражби на автомобили во пошироката област Вашингтон.
Гил, во времето кога Трамп беше претседател на САД, беше шеф на една од трговските комисии.
Телевизијата Фокс5 Вашингтон објави дека пукањето се случило во понеделникот вечерта, а тој синоќа бил во болница.
Истиот напаѓач пукал во друг возач на кого му го украл автомобилот и се верува дека се обидел или извршил уште три кражби на автомобили, а во два наврати пукал кон полицијата.
Осомничениот на крајот бил убиен во престрелка со полицијата во Мериленд.