Здружението на судии побара брза разрешница на случајот со судијата Беџети и црната листа на САД

Добивај вести на Viber

Здружението на судии на РСМ, по објавувањето на веста дека судијата Енвер Беџети е ставен на црната листа на Соединетите Американски држави, побара брза разрешница наслучајот.

„Здружението на судии на Република Северна Македонија, смета дека ставањето на црната листа на САД, на било кој судија е сериозен удар за честа и угледот на конкретниот функционер на судската власт.

Имајќи го предвид значењето на етичкото однесување и интегритет на судиите кое треба да биде неприкосновено и во согласност, пред се со Уставот и Законите на нашата земја, но и согласно Меѓународните Закони и препораките на Европската унија и Соединетите Американски, држави како наши стратешки партнери, Здружението повикува на брзо разрешување на случајот, пред се заради зачувување на независноста и интегритетот на судската фела во земјата“, соопштија од таму.

 Беџети кој заедно со Артан Груби заврши на црната листа на САД, го привлече вниманието во јавноста кога Судскиот совет отиде во контрола во судот каде што тој работеше и утврди дека тој 9 месеци го чувал предметот „Таргет-Тврдина“ во кој првообвинет беше Сашо Мијалков, да застари.  Беџети тогаш беше осуден на парична казна, 20 проценти од платата во времетраење од 6 месеци.

Судскиот совет констатираше дека нема образложени причини зошто предметот за масовното незаконско прислушување познат како „Тврдина-Таргет“ судијата – известител Енвер Беџети од Апелациониот суд Скопје не го ставал 9 месеци на одлучување. Со тоа се создадени услови овој предмет од многу висок јавен интерес да застари и да се затвори.