ЗЕЛЕНСКИ ВЕЛИ ДЕКА ПРОИЗВЕДУВААТ ПОВЕЌЕ ОРУЖЈЕ: Украина може да произведува 4 милиони дронови годишно
Објавено во: Свет 02 Октомври, 2024
Украина може да произведува 4 милиони дронови годишно. Со ваква најави излезе украинскиот претседател Володимир Зеленски.
Тој вели дека брзо го зголемуваат и производството на друго оружје.
„Во исклучително тешки услови на целосна војна под постојани руски напади, Украинците беа во можност да изградат практично нова одбранбена индустрија“, рече Зеленски.
Украинските власти не дадоа точни бројки.
„Украина тројно го зголеми своето вкупно домашно производство на оружје во 2023 година, а потоа повторно го удвои тој обем само во првите осум месеци од оваа година“, изјави премиерот Денис Шмихал на истиот собир.
Руската инвазија на Украина почна на 24 февруари 2022 година.